لفات طرح للصبح

• هنبتدي دلوقتي نلف الطرحة بتاعة الصبح طبعاً احنا كنا رابطين الطرحة (كروكي) علشان نعمل ميك أب، وطبعا يكون الشكل مناسب للوجه نفسه واللبس لازم يبقى نفس الألوان والميك أب.. ممكن احنا ندخل الروز على شكل الوش نفسه وهنشيل التركواز وممكن نربط بدبوس من وراء، وعلى فكرة الربطة دي ممكن إنتِ تعمليها أو حد يساعدك فيها وبعدين بتخلي الحتة الطويلة للأمام..

• وبعدين بنجيب التركواز وعلى فكرة التركواز لونه موضة قوي مع الروز السنة دي، والروز على الوش على طول أحسن من الأزرق لأن الأزرق بيحتاج ميك أب كتير قوي، لكن الروز بيدي شوية بساطة أو نعومة للوش..

• وهنعمل كده إيشاربين في بعض وبنربط دي كمان من الخلف بالطريقة اللي هتشوفوها في الفيديو..

• وطبعا من خلال الفيديو واضح إننا كده عملنا شكل جديد شوية في اللبس، وفي نفس الوقت للإيشارب وعملنا ميكس بين الاثنين..
• هنعمل كمان رابطة ممكن ندخل فيها اللونين الموضة السنة دي هما الأخضر مع التركواز..

• والربطة دي مش هتاخد وقت بس هي محتاجة إنك تخترعي في الإيشاربات وتعملي أشكال لوحدك لأن الطبيعي بتاعك إنك تبقي بتعرفي تلبسي وتحطي ميك أب، بس اختيار الألوان مع بعض هو ده الفيصل.

• ودي ربطة تالتة ممكن إنك تعمليها وتدخلي فيها لونين الأصفر والموف مع بعض..

• ودي ربطة كمان للوش الكبير شوية..

وفي النهاية بانصح صاحبة البشرة الخمرية بإنها تبعد عن ألوان "البني" و"الأورانج" لأن الألوان دي بتغمقها أكثر وممكن تستعمل الألوان "الأخضر" و"التركواز" و"الأصفر" اللي هي الألوان النارية وتبعد عن الألوان الترابية، أما البشرة الفاتحة فتستعمل الألوان الترابية.